A autora
Mar Barral
Mar Barral, natural de Carril, é ceramista de profesión e educadora por vocación. Estudou maxisterio na Universidade de Santiago de Compostela e desde 1995 dedícase á cerámica artesá e artística, con diferentes técnicas e estilos. Participa en exposicións colectivas e organiza cursos para nenos e nenas.
O obradoiro de cerámica creativa de Mar Barral, situado en Catoira, está inscrito no Rexistro Xeral de Artesanía da Xunta de Galicia co número 520.
As miñas pezas son obxectos únicos, diferentes e realizados con todo o amor e coidado que unha peza completamente feita a man merece. No proceso de creación emprego técnicas e materiais variados, o que permite unha maior liberdade e creatividade. Os meus deseños están baseados na cultura tradicional galega.
En cada pequena obra poño toda a miña enerxía e empeño, e interveño en todo o proceso creativo. O trato directo co cliente permíteme facer traballos personalizados e exclusivos segundo as súas necesidades.
Dossier de prensa
07.08.2019 – La Voz de Galicia: Reinventando un material noble
19.07.2016 – La Voz de Galicia: A Arousa y Chrysí unidos por el arte y el medio ambiente
15.11.2013 – Diario de Arousa: Amigos de Galicia entrega un diploma a Mar Barral
28.10.2012 – La Voz de Galicia: Hai que reinventarse; se paras, malo
18.02.2012 – Faro de Vigo: Para saír adiante hai que tratar de ofrecer cousas diferentes
Logotipo de 1995
